昨晚和大成看了電影「孔子」，很不錯的電影值得推介。

其中最有感慨的是孔子於鲁定公十三年，為重新確立魯公室的權威，孔子策劃實施了「墮三都」的政治軍事行動，希望能夠削減三桓大夫的實力，以免三桓大夫在國內形成諸侯割據的現象，進而得罪了其中大司馬季孫氏，由於定公懾於季孫氏的權力，於是季孫逼走孔子，孔子最終離去，離開魯國以後，孔子率眾弟子周遊列國，並過著顛沛流離的生活凡十四年。

孔子到列國時，曾經受困、絕糧，更與弟子失散，獨自站立在郭東門，有人告知弟子，孔子被人形容為喪家之犬。

或者一個有理想的入與大時代交鋒，必然會面對著危機四伏，孔子問顏回自己的問題何在，顏回一針見血地答道，就是因為國君昏庸。表明了一個滿有抱負的人去從政去提建議，卻沒有一個適合的環境，他是不可能發揮一己之所長。

到最後季孫氏臨終前，發覺自己逼走孔子，令國力薄弱，日漸衰敗，於是痛悔過往短視，只顧一已的利益，忘了社稷和國民的利益，於是決定把孔子請回魯國。

看了這部戲發覺歷史可以重演，也可以有現代版，浸神就是例子，不知有那個會像季孫氏，到了最後還會反省一下！

很久沒有去超市，得了菲姐姐的指示，非要買日用品不可，因家里缺貨。

去了超市後盡情買家庭用品，尤其是重的東西如洗衣粉、漂白水等，以便上倉，買得興起時，一外籍女士拿了幾瓶洗潔精給我說：These are yours ！

我看了她一眼，感到莫名其妙，她跟着說：Yes, you put in my cart ！

跟着聽到經過的菲傭大笑。

---------------------------------------------------------------------------------------------------------------

星期二回到顯理，kitty見 到我覺得很意外，問：Auntie Ruth，點解你今日嚟顯理？

Ruth：哦！我約咗權哥哥今日食晏，所以返嚟。

恩姐：Auntie Ruth，唔係今日，係下禮拜二呀！救命呀！

Ruth：吓！乜係下禮拜二，咁我返嚟做乜？

-------------------------------------------------------------------------------------------------------------------

收到一電話：張太，我係XXX飯店打嚟，想同你confirm 一下你嘅booking。

我：confirm booking?  幾時？幾多人嘅BOOKING?  .................我一點印象也沒有。

飯店： 你book 咗聽晚五個人嘅檯。

我：你知唔知我book咗乜嘢菜式？

我心想不如聽聽到底有甚麼菜式，如果好的話，一於去食一頓。

飯店的人念了我book的菜式，好像蠻不錯，於是跟他說：好似幾好，不過我聽日食唔到咁多嘢，可否改十二月初食？我最近太多飯局，再吃便會增磅。

飯店：無問題、無問題，我依家再同你confirm一下日子同人數...................xxxxxxxxxxxxx

我：OK啦！不過你記得到時早一日好似今日咁，打電話提我喎！

飯店：一定一定！

 

 

與插花同學住在同一座大廈，每次她都駕車載我往插花班。

今次一上車聽到她笑，問她何事。

同學：嗰男仔得三歲，好鐘意講嘢，每次見到我，就主動問我去邊，如果我話買餸，佢仲識話邊個街市平，叫我去買。

我：咁犀利？

同學：今朝見到我揸車，問我去邊，我解釋完後問番佢去邊？佢話去吃早餐。於是問佢係唔係麥當勞，佢話唔係，係去飲茶，於是問佢帶唔帶AUNTIE去，佢話好--不過驚無位。

我：轉數咁快？

同學：你聽住！我跟住同佢講，下次叫佢媽咪訂多個位，然後打電話俾AUNTIE，話訂咗去邊度飲茶，AUNTIE就會落嚟揾理佢一齊去，佢一聽到就講，"『AUNTIE，我講吓笑啫！』

我和她兩人大笑................

插花班完，大成順道接我回家，又踫見這男孩和他媽媽等父親回家。

男孩問大成：你邊度番嚟？

大成：我放工返嚟。

男孩：UNCLE，點解你返工會帶埋AUNTIE嘅？

大成：.................................

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

有一次電視節目主持問一小孩將來做甚麼工作？

小孩：外科醫生。

主持：外科醫生是做甚麼？

小孩：佢劏開你後 ，跟住劏你荷包！

主持：@@''''

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX